Tuesday, March 6, 2018

Dahil sa sinulog na ibang tsinelas, lalaki, binadil gadan sa Albay


Camalig, Albay – Dahil sana sa pagkakamali na masulog an tsinelas kan kainuman, binadil gadan an sarung lalaki sa resettlement site kan Brgy Anoling, Camalig Albay, kasubanggi, Marso 5, 2018.

Apwera saiya, nadamay asin tinamaan pa nin bala an saiyang live in partner asin 13 anyos na tugang.
Sa intrivista kay PO3 Ryan Capili, imbestigador kan Kaso, binisto an biktimang si Jeric Nasayao y Cuenca, kan Brgy Libod, mantang an suspek iyo si Ruel Felicia kan Brgy Salugan kan parehong banwaan.

Segun sa pag iimbestiga, naghali suboot sa inuman an biktima ngani na magbakal nin sigarilyo sulog an tsinelas kan suspek.

Taod taod, pahali na kuta an suspek alagad dae kaini nahahanap an tsinelas

Pagbalik kan biktima, nahiling kan suspek na sulog an tsinelas niya kun kaya duman na nangyari an mainitan na argumento.

Nag uli an suspek asin pagbwelta, bitbit na an pigtutubudang kalibre 45 badil.

Nakakua man tulos nin kutsilyo an biktima, kun kaya, antes siyang nabadil, nasaksak niya pa sa daghan an kalaban.

Pakatapos kan insidente, gadan tulos an biktima asin lugadan man sa kamot an kalive in kaini asin may tama man sa tulak an tugang kaining 13 anyos.

An suspek an duminulag tulos matapos an pangyayari.

Napag araman kay PO3 Capili na bistadong noturyos na parahabon nin manok asin carnapper an suspek.

Dae sana suboot ninda ini maarestar huli ta sa ibang lugar ini nag gigibo nin kabuahan.

An tugang kaini an nadakop na sa carnapping incident na nangyari sa Polangui, Albay kan mga nakaaging bulan.

Sa presente, padagos an hot pursuit operation kan mga otoridad asin naglilibot sa mga hospital para sa posibleng pinabulungan kaini kan saiyang saksak sa daghan.

An biktima, an piglalamayan na ngonyan sa sarung funeraria sa nasabing banwaan.

Share:

Featured Post

Legazpi to build housing units for city's poorest families

Rosal By Emmanuel Solis LEGAZPI CITY -- Local officials here are fine-tuning all documents for the construction of a housing project ...