Sunday, March 25, 2018

Brgy. Kapitan asin agom, tinadtad nin bala sa Masbate



MASBATE CITY 3/25/18 (BICOLSTANDARD) – Tinadtad nin bala an lawas kan barangay kapitan asin an saiyang agom sa Barangay Dayhagan, Aroroy, Masbate.

Sabi sa report kan pulis, an biktima iyo si Punong Barangay Shiela Mataverde-Drio asin an agom kaini na si Reglalado Musico Drio.

Nagluluwas na an limang dai nabistong suspechado nagdalaw sa harong kan mag-agom na biktima, asin nagsaguin-saguin na igwa sinda nin transaksyon sagkod an Punong Barangay.

Kan makalaog na an mga suspechado, tinakot tulos an mga biktima asin fuersahan na kinua sa sainda an kantidad P200,000.00, na saray kan mag-agom sa saindang harong.

Pirang minutos sana an nakalihis, binadil na tulos an mag-agom kan mga dai bistong lalaki.

Binawian nin buhay an mga biktima sa pinangyarihan kan incidente.

An ginamit na armas iyo an calibre .45 na badil.

Nakakua nin 17ng baseyo nin bala an mga awtoridad hale sa pinangyarihan kan krimen.

Ginigibo pa hasta ngonian an pag-siyasat kan pangyayari.
Share:

Featured Post

Duterte condoles with families of slain, wounded Bicol cops, soldiers

Bicol Standard photo NAGA CITY (Bicol Standard) – President Rodrigo Duterte led the awarding of medals to members of the police and arm...