Thursday, February 1, 2018

Water sources sa mga evacuation centers, posibleng magcausa nin diarrhea - Albay PHO


ni Vince Villar

Legazpi City - Nangapudan an Albay Provincial Health Office (PHO) sa mga evacuees na dai nanggad mag-inom sa mga poso, gripo asin sa iba pang sources nin tubig sa mga evacuation centers huli ta kontaminado ini.

Sa ginibong eksaminasyon kan nasabing opisina, nadiskubre na sa laog kan 42 na mga water outlets, 30 digdi an dai dapat inumon.

Segun ki Engr. William Sabater, kan Water and Sanitation Department, 60 na mga water outlets an saindang pig-eksamin kasabay na an mga water refilling stations, mantang an 42 kaini an hale sa mga water sources arog kan gripo hali sa mga water districts, shallow well, water pumps asin iba pang sources.

Paliwanag ni Sabater, duwang contaminants an laman kan kontaminadong tubig, ini an fecal coliform asin total coliform.

An fecal contaminants hali sa ati kan tao o sa hayop, mantang an total coliform hali sa mga lumot na minsan nakukua sa mga water pumps.

Ini an rason kung ngata igwang nairehistrong kaso nin diarrhea sa mga munisipyo kan Camalig asin Malilipot.

Sampulong kaso nin diarrhea an nairehistro sa Camalig, mantang anom sa Malilipot.

Istorya ni Sabater, dai man masabing outbreak an nangyari huli ta nagkapira man sana ini kumpara sa kadakol na populasyon sa mga evacuation centers.
Share:

Featured Post

Give the gift of creativity with Arog Kaito art fair in Daet!

DAET, Camarines Norte (Bicol Standard) -- Bicol Standard is a proud sponsor of a two-day art fair featuring the finest young creatives of...