Friday, February 2, 2018

Soltero, 18 anyos, nakuang gadan, nakabitay


NAGA CITY (Bicol Standard) –Pinili kan 18 anyos na estudiante na taga Barangay Sta. Cruz, Poblacion, Calabanga, Camarines Sur na tapuson an saiyang buhay sa paagui kan pag-bitay sa kabaan kan saindang harong, Enero 18, poco mas o menos alas 10:50 nin aga.

Sabi kan mga imbestigador, an victimang si Tomas Piolo Otordos y Losano, nakuang mayo na nin hinangos na nakabitay sa extension kan saindang harong sa kapareyong barangay.

An sabi kan pulis, si Mirason Otordos y Losado, 39, ina kan victima, nadukayan an malipot nang bangkay kan saiyang aki na may gakod nin lubid sa saiyang liog, nakabitay sa kabaan, asin sa tunogod kan hawak an duwang monoblock na tukawan.

Segun sa declarasyon kan ina, antes mangyari an mamundong incidente, mayo siyang nareparong senyal na may itinatagong kamunduan an saiyang aki.

Pig confirmar kan magurang na nakakua siya nin surat sa azul na notebook na nasambit an mga tataramon na “Yes, I did well, I wigh I did well. Matapos ang lahat, feeling ko huling pagsasalita ko na to, oo, medyo magulo pero matapos ang” … . Nag desisyon an ina na dai na ipa-autopsy an bangkay.

Nin huli sa siring na kamawotan kan magurang na nagtutubod na nag-suicide an saiyang aki, kaya dai na naghorot sa pulis na magkaigwa pa nin imbestigasyon.

Dai nasambit sa pag-siyasat kun ano an causa kan pagpatiwakal kan buhay kan victima.
Share:

Featured Post

Catandungan Festival 2018: Celebrating 73 years of Independence

The Catandungan Festival is celebrated every October to commemorate the foundation anniversary of Catanduanes as a province independent...