Tuesday, February 27, 2018

Sec. Tolentino, pigsugo an pagbilog nin anti lahar intervention task force


ni Vince Villar

Legazpi City - Ngani prepararan an posibleng epekto asin peligro na pwedeng darahon enkaso magpara kusog an uran asin bumulos an milyunes na kubiko nin lahar gikansa bulkan Mayon, ipigsugo na ni Presidential Adviser on Political Affairs asin Mayon Crisis Manager Secretary Francis Tolentino an pagbilog nin Anti Lahar Intervention Task Force.

Sa ginibong briefing ngonyan na Aldaw, Pebrero 27, nagtao nan in istruksiyon si tolentino kay OCD Bicol Regional Director Claudio Yucot, na kaulayon an mga Hepe De Ehekutibo kan 4 na banwaan sa Albay (Guinobatan, Daraga, Sto domingo, asin Camalig) na iyo an direktang apektado kan  lahar flow.

Nagtutubod si Tolentino na, ngunyan pa sana, dapat ng prepararan an posibleng epekto kan lahar na segun sa PHILVOLCS, nasa 90 millions cubic meter na an ilinuwas kan mayon asin 37 porsyento kaini, an inaapod na loose materials.

Paliwanag kan opisyal, sa paagi kan pagpa-plano, digdi maaraman kung pirang pamilya asin mga indibidwal an pwedeng eebakwar ngani mapondohan kan gobierno.
Share:

Featured Post

Legazpi to build housing units for city's poorest families

Rosal By Emmanuel Solis LEGAZPI CITY -- Local officials here are fine-tuning all documents for the construction of a housing project ...