Monday, February 19, 2018

Public Safety Officer, gadan sa saksak sa Oas, ALbay


Oas, Albay – Gadan an sarung Public Safety Officer sa banwaan kan Oas, ALbay, matapos na biglang saksakon ini sa saiyang daghan kan haloy na niyang kaiwal.

Sa Impormasyon kan Oas Municipal Police Station, binisto an biktima na si Arne Caño y Bisueña , 37 anyos, may agom, residente kan Brgy. Rizal, kan nasabing banwaan.

An suspek, iyo si Ian Saclag y Reburiano, 42 anyos, soltero, daeng trabaho, taga Brgy. Talongog, kan kaparehong banwaan.

Nangyari an insidente kan Sabado nin udto, Pebrero 17, 2018, sa mismong barangay kan suspek.

Segun sa istorya, nasa tindahan an biktima kan biglang ranihan kan suspek sa bay saksak sa saiyang daghan gamit an sarung kitchen knife na nakua sa sarung paratiyenda man sa lugar.

Matapos kaini, dulos kuminutipas nin dulag an suspek mantang an biktima na dinara pa man kuta sa JBDMDH, Ligao City alagad dineklarang dead-on-arrival ni Dr. Ma. Loielin A. Tolentino.
 
Sinasabing ang haloy ng iwal kan duwa an motibo kan krimen.

Tulos man na naarestar an suspek kan magsagibo nin hot pursuit an mga otoridad.

Sa ngonyan, sasangatan na ini nin maninigong kaso.
Share:

Featured Post

Legazpi to build housing units for city's poorest families

Rosal By Emmanuel Solis LEGAZPI CITY -- Local officials here are fine-tuning all documents for the construction of a housing project ...