Monday, February 5, 2018

Plete sa Legazpi-Naga UV Express, naglangkaw


ni Vince Villar

Legazpi City - Dakol an nakigkig kan biglaan na paglangkaw sa pamasahe sa UV Express asin aircon bus kan biyaheng Naga City hali nin Legazpi City o Daraga asin vice verza huli sa pagmahal na kan pamasahe.

Epektibo ngonyan na aldaw, P210 na an pamasahe kan Legazpi - Naga mantang P168 sa mga may 20% discount siring kan mga estudyante, senior citizens, asin disabled persons. 

P198 man hali Daraga to Legazpi mantang P158.40 kun discounted.

An aircon bus an masingil naman nin P168 mantang  134.40 kun may 20% discount.

An singil ibinase sa kada kilometrong biyahe kun saen P2 an kada kilometro sa UV Express mantang P1.60 sa aircon Bus.

Katakod kaini, piglinaw tulos ni Peter Encisa, Public Information Officer kan UPTAP o  Unified Provincial Transport Alliance of the Philippines, na totoo man nanggad an bagong fare matrix sa UV Express asin aircon buses.

An nangyayari suboot ngonyan an saro na sanang corrective measure kan Land Transportation Franchising and Regulatory Board o LTFRB ngani malikayan an mga kumplikasyon na dinara kan dae kaini pag-implementar tulos.

Dahil suboot sa kumpetisyon, nagpahibabaan suboot nin pamasahe an mga public utility vehicles kaito na nagresulta nin pagkarerebok.

Miyentrastanto, pigpa enutan na ni Encisa an publiko na sa mga masunod na aldaw, ipapa utob naman an P1.00 na dagdag sa minimum na pamasahe kan jeep sa Bicol.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...