Monday, February 19, 2018

Papin vs Alfelor, malaban pagka Vice Gov sa CSur


NAGA CITY (Bicol Standard) - Posibleng magtapsok liwat si Imelda Papin sa lokal na politika sa provincia nin Camarines Sur.

Si Papin na nagi nang Vice Gobernador kan provincial, ultimong nag probar na maghagad nin mandato kan mga tawo sa distrito kan Partido, bilang congresista kan nakalihis na election, alagad dinaog nin dikit na boto ni Rep. Arnulfo “Noli” Fuentebella.

Base sa nagunong informasyon hale sa mga ayudante ni Papin, pig hihimunta guiraray niya an pwesto kan pagiging vice gobernador, ngonian na si Vice Gov Fortunato “Ato” Pena, dai pwedeng mag re-election.

Si Papin iyo an pig lalaoman na magiging ka-tandem ni Gov Migz Villafuerte, sa election lokal sa masunod na taon.

Mientrastanto, si Papin dai pa nin confirmasyon kan baretang ini.

Alagad, an enot na nagbungkaras na informasyon, preparado na siyang bweltahan an dati niyang pwesto sa gobierno provincial.

Mientrastanto, pwedeng makalaban ni Papin sa cargong vice gobernador iyo si Atty. Peachy Alfelor-Moraleda, na hale sa Ciudad kan Iriga, asin aki ni dating Rep. Nancing Alfelor Jr.

Si Alfelor-Moraleda nagdalagan kan naka aging election sa cargong vice gobernador, pero dinaog nin dikit sanang boto ni Vice Gov Pena.

Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...