Wednesday, February 7, 2018

Lalaking haloy ng wanted sa 3 counts of rape sa Polangui, nadakop na


Ni Vince Villar

POLANGUI, Albay - Makalihis an sobra 4 na taon na pagtago, nadakop na kan pulisya an lalaking akusado sa 3 beses nin panlulugos sa Polangui, Albay.

Sa report kan Polangui Municipal Police Station, alas 9:00 ngonyan na aga, Pebrero 7, kan madakop si Roderin Belmonte Y Samarista, 46 anyos, may agom asin residente kan Brgy. Kinuartelan, kan nasabing banwaan.

Sinasabing pang-4 na sa mga Municipal Most Wanted si Belmonte na igwa nin tulong Alias warrant of arrest para sa 3 counts of rape na pig issue kan duwang hukom.

An duwa an hali kay Hon. Edwin C Ma-alat, Presiding Judge kan RTC Branch 14, Ligao City, na may petsang Enero 16, 2013 asin Setyembre 26, 2012 mantang an saru an hali man kay Hon. Alden C Rabe, Acting Presiding Judge kan RTC Branch 12, kan kaparehong siyudad, may petsang Enero 28, 2014 sa irarom kan criminal case numbers 6526, 6527 asin 6528.

Wara nin inirekomendang piyansa sa arin man na kasong isinangat kontra sa saiya.

Share:

Featured Post

Faeldon Jr., dakop sa Naga City sa drug raid

NAGA CITY--Nagpahimutik si Nicanor Faeldon Jr., aki kan pamayo kan Bureau of Corrections (BUCOR) na si Nicanor Faeldon, na dai siya im...