Lalaking aarestaron, nabadil, gadan

NAGA CITY (Bicol Standard) – Binawian nin buhay si Russel Tatel y Padillo, sa incidente na nangyari sa Barnagay Mangiring, Calabanga, Camarines Sur, kasubagong poco mas o menos alas 12:45 nin aga (Feb 1).

Base sa despacho na naguno hale sa pulis kan nasambit na banwaan, an mga awtoridad nag serve nin Search Warrant asin Warrant of Arrest sa victima, antes na mangyari an armadong confrontasyon.

Segun sa sport report kan pulis, napurohan nin tama nin bala si Tatel na nagresulta sa saiyang kagadanan sa lugar na pinangyarihan kan incidente.

Mantang sinusurat an baretang ini, an mga awtoridad nag iimbentaryo kan mga nakumpiscar na mga evidencia na hale sa poder kan gadan.

Dai nasambit sa pulis report kun ano an caso na inaatubang kan victima, kan siya servehan kan mandamiento de aresto kan pulis.