Wednesday, February 14, 2018

ISIPON OSIPON | An simbolo kan puso


Sarong misterio kun tano an simbulo kan puso iba man sa itsura kan totoong puso.

Alagad may nagkapirang teorya kun tano siring kaini an kinatudan.

Sabi sa mga pag-adal, kan 1400 ginamit na an simbulo kan puso sa mga baraha duman sa Europa.

Pero bago pa kaini, sinasabi na an simbolo hale sa lugar kan Cyrene sa Africa.

Duman, ginagamit an sarong masitas na pig-aapod na silphium, na ginamit bilang contraceptive.

An tulang o pisog asin an prutas kan silphium pareho an itsura kan simbolo kan puso, kaya pigsasabi na ini an pig gikanan kan Valentine heart.

Mientrastanto, may mga nagsasabi man na an simbolo kan puso sarong salang pagkurit kan mga enot pang artist kan tunay na puso.

Ngonian, popular nang maray an simbolo kan puso asin maheheling sa mga decorasyon, greeting card, dulce, asin manlaen laen pang lugar.
Share:

Featured Post

Masbate OKs FOI ordinance

Masbate Sangguniang Panlalawigan Photo courtesy of Vice Gov. Kaye Revil MASBATE CITY (Bicol Standard) – The Province of Masbate has app...