Monday, February 5, 2018

ISIPON, OSIPON | An pagtao nin pulang rosas kun Valentine’s Day


An tradisyon kan pagtao nin burak kun Valentine’s Day nagpoon sa huring parte kan ika17ng siglo.

Ini kan panahon ni Hadeng Carlos Segundo kan nasyon nin Sweden.

Nagbiyahe an hade paduman sa Persia (na iyo na ngonyan an Iran).

Duman, namidbid niya an arte asin lenguaje kan mga burak.

Para sa mga taga Persia, an pagtao nin burak sarong forma nin pagpaisi kan namamatean, maski dai na magamit nin mga tataramon.

An pulang rosas nangangahulugan na –padangat- an sarong tawo.

Ini nin huli ta an pulang rosas simbolo ni Aphrodite, an diyosa nin pagkamoot kan mga Griyego.

Kan naging uso an pagcelebrar kan Valentine’s Day, an pulang rosas an naging paboritong regalo.

Manlaen laen an kahulugan kan mga burak. An gladiola nagsisimbulo nin kusog. An lily, pagpakumbaba. An mirasol o sunflower, lealtad o loyalty.

An puting rosas, simbolo nin pagiging mag-amigo o mag-amiga.

Tandaan nindo: dapat magin maingat sa pagtao nin burak ta pwede kang masala sa pagpaabot nin mensahe sa si’mong padangat o namomotan.

Sa gabos na burak, an pinakapaboritong regalo an pulang rosas kun Valentine’s Day nin huli ta ini an pinakamalinaw na senyal nin pagkamoot.
Share:

Featured Post

List of Mr. Bicolandia 2018 candidates

The 20 official candidates of the Mr. Bicolandia pageant have been named. They are: ▪️Rey Mendina-Tabaco City, Albay ▪️Rey Kr...