Monday, February 26, 2018

Ekipahe kan Philvolcs sa Albay, liwat na naman na hinabas



Ni: Vince Villar

Legazpi City - Liwat na naman na hinabas an mga ekipahe kan Philvolcs na yaon sa pamitisan kan bulkan.

Sa report kan Legazpi City Police Station, Sabado nin udto, Pebrero 24, 2018, kan madiskubre kan mga Science Specialist kan Philvolcs na nawawara na an duwang baterya na kantidad P12, 000 kada saru, asin duwa man na Solar panel, na kantidad P6,000 kada saru an nawawara sa saindang Hydrolab Station na yaon sa Purok-4, Brgy. Padang, Legazpi City.

Sa pag iimbestigar, napag araman na pwersahan na niraot kan mga mahabas an aluminum case kan nasabing mga baterya asin solar panel kaya marikas ining nakua.

Sa intrivista kay Director Renato Solidum, sinabi kaining importanteng maray an mga ekipahe ngani masukol kun nagbababa an water level kan bulkan.

Tinawang doon kaini na barato sana an mga ekipaheng ini, alagad dakula an tabang kaini sa saindang data collection na importante para sa pag analisar kan kamugtakan kan Mayon.

Inihayag kan Opisyal, na sag abos na mga nakataltag na ekipahe sa palibot kan Mayon, an Parteng Padang, Legazpi asin LIdong, Sto Dominggo, an pirmihan na may nawawara.

Pirang taon na an nakalilihis kan may nadakop na sa lugar asin nakasuhan alagad dae pa man liwat nagpupundo.

Nakihuron si Solidum sa mga residentes sa lugar na protehiran an mga ekipahe huli digdi nakasarig an safety kan mga Albayano.

Miyentrastanto, sasuhay na intrivista kay Dr. Cedric Daep kan APSEMO, sinabi kaining may suspek na kun sisay sa Baranggay an nagkua.

Pig iimbestigaran na suboot kan pulisya.

Sinasabing comon na nagagamit an mga baterya asin solar panel na pan-ilaw sa harong.
Share:

Featured Post

Legazpi to build housing units for city's poorest families

Rosal By Emmanuel Solis LEGAZPI CITY -- Local officials here are fine-tuning all documents for the construction of a housing project ...