Tuesday, February 27, 2018

Driver kan dumptruck, gadan kan maligis nin payloader habang nagtuturog


ni Vince Villar

Virac, Catanduanes - Haros marunot an lawas kan sarung construction worker makalihis na masagasaan nin sarung heavy equipment vehicle mantang nagtuturog sa Vicrac, Catanduanes.

Sa impormasyon, binisto an biktima na si Ramon Tapia, residente kan Brgy. Buhi, San Miguel, kan nasabing probinsiya, mantang an suspek iyo si Ernie Pardo.

Sa intrivista kan Radyo Peryodiko Virac sa suspek, Alas 10;00 na kasubanggi, Pebrero 26, kan mangyari an insidente sa pigkokunstruhir nindang runway kan Virac, Airport.

Pigmamaneho niya suboot an sarung Payloader kan biglang makadangog siya nin surihaw kan mga pag iriba matapos na masagasaan kan inutan na gulong kan nasabing sasakyan an biktima.

Sa pagtubod kan drayber, nangiturog sa sobrang kapagalan dulot kan halawig na oras nin pagtrabaho an kairiba niya.

Napag araman na driver man kan dump truck an biktima asin labi 14 oras na ining nagtatrabaho.

Nakakulong na ngonyan an suspek alagad grabe an paghagad kaini nin tawad sa mga kapamilya kan biktima huli ta dae man niya pigtutuyo an insidente.

An suspek asin biktima an parehas empleyado kan kumpaniyang Pacific Concrete Product.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...