Monday, February 5, 2018

Bilang kan evacuees sa Albay, urog pang nababawasan


ni Vince Villar

LEGAZPI CITY (Bicol Standard) -- Padagos na nababawasan an bilang kan mga evacuees sa Albay puon kan ipa decamp kan Office of Civil Defense Bicol an mga residentes na yaon nag eerok sobra sa 8 kms extended danger zone.

Sa latest na listahan kan PDRRMC Albay, nasa 75, 949 na indibidwal na sana o 19,684 na pamilya an yaon sa 62 na evacuation centers o 871 classrooms, gikan sa 47 na barangay na sana.

Pinakadakol na ngonyan an banwaan kan Sto Domingo na igwang 14, 136 na indibiwal o 3,627 na pamilya gikan sa 7 mga barangay.

Ikaduwa an Daraga na may 13, 374 na indibidwal o 3, 302 na pamilya gikan sa 6 na barangay.

An Legazpi City na pinakadakol na bilang dati an nag abot na sana sa 12, 258 na indibidwal o 3, 182 na pamilya gikan sa 5 barangay puon kan paulion na kan OCD an ibang mga residentes.

Dakula man an nabawas sa banwaan kan Camalig, puon kan paulion na an mga residentes gikan sa sentrong banwaan ninda. Nasa  9,630 na sanang indibiwal o 2,537 na pamilya gikan sa 6 na barangay.

Haros kadukot kan Camalig an Guinobatan na may 9,243 indibidwal o 2,704 na pamilya gikan sa 6 na barangay.

Napag araman na may mga residentes pa sa banwaang ini na yaon sa 9 kms extended danger zone an nagmatagas pa na mag uli huli sa peligro suboot kan ash fall asin pagkatakot sa lahar flow.

An Tabaco City an igwa pa man nin 1,938 na pamilya o 7,685 na indibidwal gikan sa 9 na mga barangay.

An Malilipot igwa pa nin 1,303 pamilya o 5,067 na indibidwal gikan sa 3 barangay mantang an Ligao City na igwa na sanang 952 pamilya o 4,050 na indibidwal gikan sa 4 na barangay.

Pinakadiit man giraray an banwaan kan Bacacay na may 139 na pamilya o 506 na indibidwal hali sa Brgy. Bonga.
Share:

Featured Post

List of Mr. Bicolandia 2018 candidates

The 20 official candidates of the Mr. Bicolandia pageant have been named. They are: ▪️Rey Mendina-Tabaco City, Albay ▪️Rey Kr...