Monday, February 19, 2018

Bakwit, gadan kan makuryente matapos mag uli sa harong


Vince Villar

Ligao City – Dead-on-the-spot an sarung 17 anyos na daragang bakwit sa siyudad na ini matapos makuryente kan piglilipat niyuang saksakan nin kuryente mantang naglalaba.

Sa impormasyon na ipinaabot kan Ligao City Police Station, binisto an biktima na si Charlene Joy Yasol y Cardaño, grade-12 student kan Ligao City Technical Vocational High School, residente kan Purok-5, Brgy. Baligang, Ligao City  asin temporaryamenteng nag ebakwar sa Brgy. Nasisi Evacuation Center.

Nangyari an insidente bandang alas 9:00 nin aga nin Dominggo, Pebrero 18, 2018, sa harong kan biktima.

Segun sa istorya kan tugang kaini na si Marvin Yasol y Cardaño, 35 anyos, alas 5:00 nin aga kan maghali sinda kan saiyang tugang sa evacuation center ngani mag asikaso kan mga gibuhon sa harong ninda.

Pag abot sa harong tulos na nagbahog kan saindang mga ataman si Marvin mantang an saiyang tugang an nawalat ngani maglinig asin maglaba.

Alagad, kan magbwelta siya, nahiling niya an saiyang tugang na yaon sa laog kan kwarto, kapot an saksakan nin kuryente asin gadan na.

Nagtutubod si Marvin na nakuryente an tugang niya matapos ilipat an saksakan hali sa kubeta ninda pasiring sa kwarto.
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...