Wednesday, February 14, 2018

17 anyos, sinaksak kan tiyoon nin huli sa bulang


Viga, Catanduanes - Amay na natapos an buhay kan sarung 17 anyos na solterito sa catanduanes matapos na pagsasaksakon ini kan saiya man sanang sadiring tiyuon dahil sa iwal sa kwarta na resulta kan burulang.

Sa report kan Viga Municipal Police Station, binisto an biktima na si John Michael Bernisca y Timbal, mantang an suspek iyo si Arturo Timbal y Dela Torre, 25 anyos, parehong mga parahagot (Abaca Strippers) asin residente kan Brgy. P. Vera (Summit), kan nasabing banwaan.

Nangyari an insidente bandang alas 4:30 kasuhapon, Pebrero 13, 2018 sa harong kan ina kan suspek na si  Salve Bernisca y Timbal.

Segun digdi, nagduduyan duyan suboot siya kan uminabot si Arturo na dagit asin hinahanap an biktima.

Kan haputon kun ngata kaini hinahana, nagsimbag ini na sasaksakon.

Taod taod, uminabot man nanggad an biktima asin duman na nangyari an krimen.

Segun kay Nanay Salve, haloy ng pirming pig iiwalan kan duwa an pagiging adik ni Arturo sa sugal na bulang na dahilan para dae na ini makasuporta sa pamilya.

Matapos an insidente, duminulag an suspek sa dae maaramang direksyon, alagad, dae naghaloy, suminuko man liwat ini sa kapitan kan barangay na si Jaide Bernisca.

Tulos man ining itinao sa ipig turn over sa PNP Viga para sa maninigong disposisyon.
Share:

Featured Post

List of Mr. Bicolandia 2018 candidates

The 20 official candidates of the Mr. Bicolandia pageant have been named. They are: ▪️Rey Mendina-Tabaco City, Albay ▪️Rey Kr...