Tuesday, January 23, 2018

Work suspension, dineklara sa mga lugar na apektado kan ashfall sa Albay


Legazpi City - Dae na pipalaog sa saindang trabaho an mga obrero na yaon sa mga lugar na apektado kan matinding ash fall ngonyan na aldaw, Enero 23, 2018.

Sa pinaluwas na kasuguan ni Albay Gov. Al Francis Bichara, pipauruli na kaini an mga nagtatrabaho sa Gobyerno o Pribado man sa Siyudad kan Ligao, asin mga banwaan kan Guinobatan asin Camalig.

Dae kabale digdi an mga nagtatrabaho sa pagmantini kan peace and order, health, social services and disaster management.

Nilinaw man kan Gobernador na maging itong mga nagtatrabaho sa mga munisipyo o siyudad na bako man apektado alagad nag eerok sa mga apektadong baranggay an dapat na dae naman maglaog.

Napag araman na maski bako man purupirmi an pagbuga kan abo, alagad huli sa mga natipon na abo sa palibot asin matinding init nin panahon ngonyan na sinabayan nin paros paros, matinding perwisyo an sinasapar kan mga residentes huli sa mga abo.

Enot kaini kan sinuspinder man ngonyan na aldaw an klase sa gabos na lebel sa mga Siyudad kan Legazpi asin Ligao, siring man sa mga munisipyo kan Daraga, Camalig, Guinobatan, Oas, Polangui, asin Sto Dominggo.

Dae man biyahe an mga eroplano ngonyan na aldaw. (Vince Villar)

Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...