Tuesday, January 9, 2018

Welder, nakuryente huli sa sulog na 'buri' sa Tabaco City


Tabaco City – Swerteng nabuhay pa an sarung welder sa siyudad na ini matapos makuryente dahil sa sulog kaining kalo na “Buri” o gibo sa karagumoy mantang nagtatrabaho kasubagong alas 9:00 nin aga.

Sa intrivista kay Supt. Jefferson Araojo, Hepe kan Tabaco City Police Station, binisto an biktima na si Roman Boral, 49 anyos, residente kan Brgy Hacienda, Isla San Miguel, kan kaparehong Siyudad. 

Segun kay Supt Araojo, nagwewelding suboot an biktima sa 2nd floor kan pinapagibong harong sa Brgy. Tayhi, kan biglang magduot sa live wire an medyo dumog pang kalo kaini kun kaya tulos na nagtarakig ini.

Marikas man ining naidalagan sa hospital kan mga nagrespondeng katrabaho kun kaya natawan tulos nin maninigong medical na atensyon.

Segun sa doctor na nagbulong sa biktima, swerteng dumineretso paluwas sa mga bitis kaini an kuryente kun kaya dae ini napuruhan. Kun dae suboot nakaluwas, siyertong puso an tatamaan sa biktima na pwedesir kaining ikagadan. (Vince Villar)
Share:

Featured Post

Use money wisely, UltraLotto 6/58 winners told

Philippine Charity Sweepstakes Office (PCSO) General Manager Alexander Balutan has advised the two lucky winners of the P1.1 billion to u...