Wednesday, January 17, 2018

Water source na causa nin diarrhea sa 3 evacuees sa Albay, bawal ng inuman


Guinobatan, Albay – Ipinagbawal na kan Lokal na gobyerno an pag inom gikan sa water source kan sarung barangay na nag causa ngani magka diarrhea an 3 mga evacuees.

Sa intrivista kay Mr. Igmedio Vericio Jr, an MDRRM Officer kan Guinobatan, sinabi kaining pinatanidan na suboot an mga evacuees kan Muladbucad Grande Elementary school na dae na magharok nin tubig sa lugar kung gagamiton man sana na pang inom.

Napag araman na kataid lang kan gate kan nasabing eskwelahan an kinamumugtakan kan water imponding source na pig inuman kan 3 mga evacuees na nagkurulog an tulak kan nakalihis na aldaw.

Segun kay Vericio, posibleng nakontaminar an tubig dara kan matinding mga uuran kan puon kan mga nakalihis pang aldaw.

Ta ngani na makasiguro, sa sarung poso na sana pipaharok an mga evacuees, kung saen, mga 100 metros na distansiya gikan sa nasabing eskwelahan.

An nasabing poso an tested na suboot na malinig asin salbadong inumon.

Apwera kaini, nagpadara naman suboot sinda nin mga mineral water sa mga residentes sa lugar an MDRRMo, asin sa aga ma set up naman sinda nin water purifying machine sa Munisipyo ngani na padagos na makapag supply nin malinig na tubig inumon.

Sa ngonyan, 79 families o 310 na persona an yaon nag-uukupar sa Muladbucad Grande Elementary School.

An mga ini an gikan sa tulong mga sitios kan nasabing barangay na nasa laog kan 6kms PDZ asin 7 kms extended danger zone.

Sa kabilugan, igwa nin 1, 233 families o 4,342 na evacuees an Guinobatan, hale sa mga barangay kan Maninila, Tandarora, Masarawag,a sin Muladbucad grande. (Vince VIllar)
Share:

Featured Post

Give the gift of creativity with Arog Kaito art fair in Daet!

DAET, Camarines Norte (Bicol Standard) -- Bicol Standard is a proud sponsor of a two-day art fair featuring the finest young creatives of...