Tuesday, January 2, 2018

TRO sa STL sa 10ng banwaan kan CSur, dadangogon sa Enero 4


PILI, Camarines Sur (Bicol Standard) -- Dadangogon asin rerepasohon ni Judge Vivencio Gregorio G. Atutubo III kan Branch 32 sa Regional Trial Court sa Pili, Camarines Sur an mga argumento asin mga rason kan mga petitioners asin respondents sa STL operations sa 10ng banwaan digdi, sa hearing na itinalaan sa fecha 4 kan Enero, alas 2:00 nin hapon.

Maroromdoman na kan Diciembre 15 kan nagtalikod na taon, nag paluwas nin Temporary Restraining Order (TRO) si Atutubo contra sa Evenchance Gaming Corporation, tanganing ontokon an saindang operasyon sa 10ng banwaan kan provincia.

Kabale sa mga lugar na ini na may TRO an STL operations kan Evenchance Gaming Corporation iyo an Pasacao, Minalabac, Milaor, San Fernando, Bato, Del Gallego, Buhi, Siruma asin Lagonoy, na kun saen an saindang mga alkalde nag firma sa sarong petisyon sa RTC na naghohorot na papundohon an STL sa saindang mga lugar.

An mga alkalde kan mga banwaan na nasambit gabos ka-alyado kan Capitolyo Provincial.

Mientrastanto, para matimbang na maray kun nagkakanigo na mag issue an jusgado nin injunction o dai, sinugo kan juwes an mga petitioners asin respondent na Evenchance Gaming Corporation na mag file nin copya kan saindang mga judicial affidavits kan saindang mga testigo, kun igwa, limang aldaw antes kan hearing na nakatalaan na hearing kan petition sa Enero 4.



Share:

Featured Post

NIA inaugurates P74-M pumping station in Camarines Sur

Ricefield in Bicol Bicol Standard file photo NAGA CITY (Bicol Standard) – No less than 1,728 farmers and their families in Camarines S...