Friday, January 19, 2018

Tanod na nagbabantay sa evacuation center, nagadan


Guinobatan, Albay - Gadan an sarung Brgy. Tanod mantang nagbabantay sa sarung evacuation center sa banwaang ini matapos atakehon sa puso.

Sa informasyon na naguno kan Bicol Standard, binisto an tanod na si Martin De Dios, 63 anyos, Soltero, residente kan Muladbucad Grande, kan nasabing banwaan.

Nangyari an insidente kan Miyerkules nin banggi, Alas 10:00, sa Muladbucad Elementary school.

Napag araman na kan mangyari an insidente, nataon na yaon mismo sa lugar si Mayor Gemma Ann Ongjoco dahil ta nagdistribwer nin mga relief goods.

Mantang sibot sa relief operation, bigla na sanang natumba an biktima asin nahulog hali sa itaas na lugar na naging dahilan ngani makabadol an payo kaini.

Tulos na pinagtarabangan kan mga naka designar na mga nurses kan evacuation center an biktima ngani ma revive ini.

Pagkatapos, dinara ini sa Josefina B. Duran District Hospital sa Ligao City alagad dineklarang dead on arrival (DOA).

Huli kan serbisyo kan tanod, nakarisibi man tulos an pamilya  kaini nin burial assistance hali sa Lokal na Gobyerno kan Guinobatan. (Vince Villar)
Share:

Featured Post

List of Mr. Bicolandia 2018 candidates

The 20 official candidates of the Mr. Bicolandia pageant have been named. They are: ▪️Rey Mendina-Tabaco City, Albay ▪️Rey Kr...