Monday, January 8, 2018

Taiwan, pinahimutikan na gikan sainda an cocaine na idinampal sa Sorsogon

Retrato kua ni Vince Villar

Pinahimutikan kan Taipei Economic and Cultural Office (TECO) na nag gikan sa saindang nasyon an kantidad P125-milyones na cocaine na idinampal sa baybayon kan Sorsogon.

Sa opisyal na pahayag na ipinaluwas ngonyan na aldaw, sinabi kan oficina na an barkong Jin Ming No. 16 dai registrado sa Taiwan, asin haloy nang ipinabakal sa Togolese Republic.

Ipigpaliwanag kan TECO na nin huli kaini, an nasyonalidad kan nasambit na barko Togolese, asin bakong Taiwanese.

Suboot pineke an mga documentong ipigsometer kan kapitan kan barko.

An nasambit na kapitan hale sa mainland China, segun sa TECO.

Idinugang pa kaini na padagos sindang makikipag-cooperar sa gobierno kan Pilipinas sa paglaban sa pagkuriyat kan ilegal na droga.

Share:

Featured Post

Faeldon, Jr. faces charge with stiffer penalties

Photo courtesy of Bicol PNP NAGA CITY (Bicol Standard) – Nicanor Faeldon, Jr., the son of the chief of the Bureau of Corrections, is no...