Tabuco Road, sarado saaga sa Fiesta kan Nazareno

NAGA CITY (Bicol Standard)--Katakod kan selebrasyon kan Fiesta kan Nazareno sa Naga na pinapangenotan kan Holy Cross Parish sa Tabuco, pinapaisi an publiko na magkakaigwa kita nin pagsara kan Tabuco Road (Biak na Bato) saaga, Enero 9, 2018, poon alas 8:00 nin aga sagkod alas 10:00 nin banggi.

Ini para matawan nin dalan an dagmang na mga deboto na masimba sa haros oras oras na Misa asin masungko sa imahen kan Itom na Nazareno, segun sa City Hall.

An Misa Concelebrada gigibuhon man alas singko nin hapon asin susundan kan tradisyonal na pag-prusisyon sa Imahe kan Nazareno sa mga mayor na tinampo kan Naga pag 6:30 nin banggi.