Thursday, January 25, 2018

Tabang sa Albay, mabulos pa - OCD Dir. Yucot


LEGAZPI CITY  Siniguro ni Office of Civil Defense (OCD) Bicol Regional Director Claudio Yucot na dakol pa an mabulos  na tabang sa mga biktima kan pagtuga kan bulkang Mayon sa Albay.

Sa Intrivista sa opisyal, sinabi kaini na  piglalauman na ninda na posibleng umabot pa sagkod duwa o tulong bulan an kalamidad na nangyayari sa probinsiya kun kaya nag preparar na an saindang central office nin augmentaion fund na pwedeng iluwas anuman na oras na kaipuhanon.

Inihayag ni RD Yucot na inisyalmente, nag abot na sa P26 million na kantidad nin mga food and non food items an naipaluwas ninda katabang an DSWD asin DOH.

Dakol pa suboot na maarabot na tabang sa mga masunod na aldaw.

Sa katotoohan, nag abot na asin andam ng idistribwer an 31,000 na dust mask para sa mga apektado kan ash fall sa Camalig, Guinobatan, Ligao City, Oas, asin Polangui.

May piglalauman pa sindang 69,000 na pidaso huli ta 100,000 an hinagad niya.

Madurar nin 3 sagkod 4 na aldaw man an paggamit kan mask na ini.

Apwera kaiyan, igwa pang  nakatalaan na delivery nin 5,000 na sako nin bagas ngonyan na semana.

Miyentrastanto, ipigbida ni Yucot an kahandaan kan gabos na Disaster Response Team kan OCD kun en caso mag abot sa alert level 5 an pagtuga kan Mayon.

Suboot may mga contingency plans na sinda na gigibuhon katabang an AFP, PNP, DPWH, BFP asin iba pa ngani umaksyon sa anuman na maraot na senaryong mangyayari. 

Kun mangyari ini, saru sa panakamtinding evacuation na pwedeng gibuhon ninda iyo an sentro kan Camalig na igwa nin sobra 34,000 na populasyon apwera pa sa ibang lugar na laog sa 10kms extended danger zone.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...