Thursday, January 25, 2018

Rep Batocabe: Dai pag gamiton an classroom na evacuation center


ni Vince Villar

Legazpi City - Piglinaw ni Ako Bicol Partylist Representative Rodel Batocabe an saiyang punto kun ngata ta ipinangapudan niya sa paagi kan priviledge speech sa Kamara de Representantes na dae na pagamiton sa mga evacuees an mga eskwelahan.

Ini matapos na makarisibi nin negatibong opinyon an dapat kuta reparo man sana kan kongresista ngani mapakaray an sistema kan pag ebakwar kan mga tawo sa salbadong lugar nin dae nadidistorbo an klase.

Sa intrivista ki Batocabe, sinabi kaini na imbes kuta pahalion an mga aki sa mga classrooms, magtagama na sana nin fundo an gobyerno sa pagpagibo nin mga temporary living quarters o kaya mga tent na masisirungan kan mga evacuees.

Tinawan doon niya na sa pagtuga kan bulkan dae man kaipo an matibay na edificio kundi an mairayo sana an mga tawo sa peligro.

Sa sistema ngonyan, pinapahali sa classroom an mga maestra asin eskwela alagad ginigibuhan nin mga Temporary Learning Spaces o TLS.

Apwera kan temporaryo, kaipuhan pang magpagibo na nin dakol na mga permanenteng evacuation center na pwede sa maski anong klaseng kalamidad.

Kaya suboot ining mangyari kung pagtatarabangan kan mga ahensiya kan DPWH, DSWD, DepEd asin lokal na gobyerno.

Sabi ni Batocabe na dae na kaipuhan nin bagong lehislasyon para sa bagay na ini kundi an inisyatibo na sana kan gabos.

Mientrastanto sinda sa kongreso, sisiguruhon na matatawan budget an para sa mga proyektong siring kaini.
Share:

Featured Post

Give the gift of creativity with Arog Kaito art fair in Daet!

DAET, Camarines Norte (Bicol Standard) -- Bicol Standard is a proud sponsor of a two-day art fair featuring the finest young creatives of...