Monday, January 29, 2018

Pres. Duterte, mabisita ngonyan sa Albay


ni Vince Villar

Legazpi City - Sierto na an pagbisita ni Presidente Rodrigo Duterte sa Albay ngonyan na aldaw.

Base sa impormasyon, obheto kan pagbisita iyo an magsagibo nin Mayon Volcano Alert Level 4 situation briefing.

Gigibuhon ini ala 1:00 nin hapon sa laog kan Multi-purpose Hall sa Camp General Simeon Ola, sa siyudad nin Legazpi.

Sasabaton an Presidente kan pamayo kan PNP sa Bicol na si Police Chief Supt. Antonio Gardiola, OCD Regional Director Claudio Yucot asin ni Albay Governor Al Francis Bichara.

Sa nasabing briefing, saru sarung mapresentar kan kamugtakan kan Mayon asin kan mga evacuees si Phivolcs Director Renato Solidum, Governor Bichara asin Director Yucot.

Pakatapos kaini mataram na an Presidente na susundan nin open forum.

Miyentrastanto, dae sinabi kun bibisitahon pa ni Duterte an mga nasa evacuation centers o kun may dara ining tabang sa mga ini.
Share:

Featured Post

Masbate OKs FOI ordinance

Masbate Sangguniang Panlalawigan Photo courtesy of Vice Gov. Kaye Revil MASBATE CITY (Bicol Standard) – The Province of Masbate has app...