Sunday, January 14, 2018

PDRRMC Albay inatras an decampment order, suspension of classes sa mga apektadong lugar, idedeklara


Legazpi City - Huli sa tulong magkasurunod na  phreatic explosions na nangyari ngonyan na aldaw, inatras na kan Albay PDRRMC an planong decampment kan mga evacuees sa mga brgy na nasa laog kan 6kms Permanent Danger Zone asin iba pa na naapektuhan kan abo.

8:49 asin 10:50 nin pagkaaga kasubago kan mangyari an magkasunod na pagbuga nin abo kung saen naapektaran kaini liwat an mga residentes kan Camalig asin Guinobatan na yaon sa South west na porsyon kan bulkan.

Sa intrivista kay Dr. Cedric Daep kan APSEMO, imbes na decampment, ipapasuspinde ninda an klase puon sa aga, Lunes, sagkod Martes, para sa mga eskwelahan na gagamiton bilang evacuation centers.

Sa ngonyan, pighahalat ni Daep an masunod na bulletin hali sa Philvolcs para sa dagdag pa nindang aksyon.

Enot ng sinabi ni Daep na dae pa kuta pwede sinda magpa ebakwar huli ta Alert level 2 pa sa sana an Mayon, alagad dara kan perwisyo kan abo, napiritang gibuhon an nasabing lakdang.

Sa irarom kan sinusunod na protocol, information dissemination asin contingency planning pa sana an level 2 alert.

Pag nag abot sa 3, saka pa sana mapa ebakwar kan mga residentes na nasa 6kms PDZ.

Sa suhay na intrivista kay Mr. Ed Laguerta, resident volcanologist kan Philvolcs, sinabi kaini na kun pagbabasehan an seismic record ninda,  harayo pa an posibilidad na magtaas sinda sagkod level 3 na alerto.

Alagad, sinabi kaining dae malilikayan an sunod sunod na pagbuga nin abo na iyo an makakaperwisyo sa ibang porsyo kan 2nd asin 3rd district kan Albay.

Apwera kan Phreatic eruption, yaon pa an posibilidad kan pagbulos kan mga natunaw na gapo o inaapod na magmatic eruption. (Vince Villar)

Share:

Featured Post

Catandungan Festival 2018: Celebrating 73 years of Independence

The Catandungan Festival is celebrated every October to commemorate the foundation anniversary of Catanduanes as a province independent...