Thursday, January 25, 2018

PD Biares: Pulis bawal sa bulangan


NAGA CITY – Maisog an direktiba hale ki Camarines Sur PNP Provincial Director Sr. Supt. Jerry Biares sa gabos na pulis na dai maglaog sa mga bulangan asin iba pang aling-alingan, ta an mapatunayan na magbalga kan reglamentong ini may kabaeng na magabat na kastigo.

Ini an ipinahayag ni Biares sa intrevista kan Bicol Standard, para linawon an gustong sabihon kan mga itinaplak na patanid sa mga bulangan, na asin iba pang lugar na aling-alingan, na nagtutukar kan nasambit na pagbawal.

Sabi pa ni Sr. Supt. Biares na dai maduwaduwa an saiyang opisina na ipaotod an magabat na kastigo sa mga mabalga kan kasuguan, na hale mismo ki PNP Chief Director General Ronald “Bato” dela Rosa.

An directibang ini pinalakop na sag abos na mga municipal police stations tanganing ibalangibog asin maaraman kan gabos na nasa servicio sa PNP.

Sa presente, pig momonitor ngonian kan saiyang officina an gabos na aktibidad sa mga banwaan sa obheto na mamantinir na trangkilo an bilog na Provincia kan Camarines Sur.

Sa Sorsogon


Mientrastanto si Police Director Sr. Supt. Marlon Tejada nagpaluwas man kan siring na patanid sa saiyang mga nasasakopan.

Mas mahiwas an sakop kan directiba ni Tejada, nin huli ta afuera kan mga bulangan, pinapangalad pa niya sag abos na pulis na maglaog sa mga videoke bar, beer house, asin kabaeng na mga lugar.

Enot kaini, pinaguiromdom ni Tejada na aktibo an mga rebelde sa Sorsogon, asin nagkapira nang incidente an nangyari na nasa karaoke bar an napipiligrohan na tawohan ninda.

Tangani suboot na maibitaran na may kadisgrasya sa grupo kan pulis, sabi ni Tejada, sakop kan patanid an mga lugar, siring kan karaoke bar.

Positibo man na pig recibe kan mga pulis an siring na direktiba.
Share:

Featured Post

Catandungan Festival 2018: Celebrating 73 years of Independence

The Catandungan Festival is celebrated every October to commemorate the foundation anniversary of Catanduanes as a province independent...