Thursday, January 25, 2018

PATANID: Maging alerto asin preparado huli sa pag uran


LEGAZPI CITY – Nagpatanid an Philippine Atmospheric Geophisical Astronomical Services Administration (PAGASA) sa mga nag-eestar sa pamitisan kan bulkan Mayon na maging preparado sa pig lalaoman na pagbulos kan uran, na dara kan nagbibilog na maraot na panahon.

Ngonian na hapon, nareparo na an paghibog kan panganoron, na posibleng magdara nin uran na pwedeng maging causa kan pagdarosdos kan natitipon nang mga lahar sa abaga asin pamitisan kan bulkan.

An mga lugar na pwedeng maafectaran kan pagbulos kan lahar iyo an Maiisi, Bonga asin Buyuan channels.

Sinabi ni Paul Alanis, kan Science and Research Develooment kan Phivolcs na labas pang maray an lahar na natambak sa abaga kan Mayon, kaya kun magkusog an bulos kan uran, madali sana ining magdalihig pasiring sa ibaba.

Maroromdoman na kan enot na mga taon, dakul an mga tawo na napeligrohan an buhay, kan magdarosdos an lahar asin iba pang volcanic debris, pasiring sa mga nasaharababang lugar.

Nangyari an siring na incidente kan taon 2000 asin 2001, na nagkaigwa nin grabeng lahar flow.

Huli sa maraot na panahon na naheling kan PAGASA sa may parte kan Mindanao, nagpatanid si Cedric Daep PRRRMC sa Albay na kaipohan pirmeng priparado an mga tawo.

Si Melvin Almojuela, forecaster kan PAGASA, nagsabi na pwedeng dai man maging bagyo an low pressure area (LPA) sa may parte kan Mindanao. (Ni. Vince Villar)
Share:

Featured Post

Give the gift of creativity with Arog Kaito art fair in Daet!

DAET, Camarines Norte (Bicol Standard) -- Bicol Standard is a proud sponsor of a two-day art fair featuring the finest young creatives of...