Monday, January 15, 2018

Pagbugawas kan abo kasubago sa Mayon, bako phreatic eruption – Dir. Solidum


Legazpi City  - Tulos na nilinaw ni Director Renato Solidum kan PhilVolcs Central Office na bako Phreatic Eruption an nanutaran kan mga residentes kasubagong alas 9:41, ngonyan na aldaw, Enero 15, 2018,  sa south west na porsyon kan bulkang Mayon.

Segun sa opisyal, saru suboot ining Ash clouds na hali sa dati ng mga natambak na volcanic debris sa Mayon poon kan magbulwak nin lava dara kan pag alburuto kaini.

An nasabing mga volcanic materials an biglang nadugdog kan matinding uuran kasubago kun kaya pumin-itaas ini sa ere asin binagsak sa mga residentes kan Camalig asin Guinobatan.

Huli kaini, nag aviso si Solidum sa mga apektado na magsulog nin mga face mask ngani maibitaran na magkahelang dulot kan pinong mga abo.

Sa lado man kan PDRRMC kan ALbay, sinabi man ni Dr Cedric Daep na mas epektibo kun panyo o telang dinumog an gagamiton laban sa mga abo.

Kun babalikan, 3 beses ng nangyari an Phreatic Eruptions sa Mayon kung saen saru kain an kan nakalihis na Sabado asin duwa kasuudmang Dominggo.

Nagbulos man an Lava kasubanggi sa may porsyon kan Brgy Maisi, Daraga dahilan para mahiling an banaag kan crater kaini. (Vince Villar)


Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...