Wednesday, January 17, 2018

Nagadan na evacuee sa Albay, bako casualty kan Mayon


Tabaco City - Tulos na nilinaw kan Albay PDRRMC na bako casualty kan pag alburuto kan Mayon an nagadan na evacuee sa Albay kun kaya dae pa ini makakarisibi nin asistensiya hali sa gobyerno.

Segun kay Dr. Cedric Daep, Chief kan Albay Public Safety and Emergency Management Office o APSEMO, pneumonia an  kinagadan kan 81 anyos na Teodolo Precia kan Buang, Tabaco City asin bako dahil sa epekto kan bulkang Mayon.

Sa katotoohan, segun kay Daep, wara ni anu pa man na epekto sa Siyudad nin Tabaco an bulkan.

Maski an ash fall an dae pa man nakaka abot sa lugar huli ta yaon ini sa North quadrant kan bulkan mantang yaon sa south west an apektado kaini.

Sa report kan Albay PNP, alas 5:00 nin aga kan Martes, Enero 16, 2018 kan magadan si Lolo Teodolo mantang yaon sa Mayon Elementary School na naging evacuation center kan mga taga brgy Buang. (Vince Villar)

Share:

Featured Post

Catandungan Festival 2018: Celebrating 73 years of Independence

The Catandungan Festival is celebrated every October to commemorate the foundation anniversary of Catanduanes as a province independent...