Thursday, January 25, 2018

Nag ikit 20ng pidasong Knorr beef cubes sa supermart, tiklo kan sekyu



NAGA CITY – Dai matugkad na supog an sinapo kan 27 anyos na residente kan Barangay Sto. Domingo, Milaor, Camarines Sur kan siya bitbiton sa presinto kan pulis huli sa casong paghabas nin 20ng pidaso nin Knorr Beef Cubes kasuodma.

An suspechado nabisto sa pangaran na Mark Francis Aguilar y Albano.

Dinara sa Police Station 1 kan Naga City Police Office.

An nakadakop ki Aguilar iyo an security guard sa LCC Supermarket, na nasa Barangay Igualdad.

Kan siya tukloon kan sekyu, nakua sa saiyang poder, sa laog kan saiyang darang bag an mga inikit na paninda na kantidad P580.00.

Nangyari ini poco mas o menos alas 10:09 nin aga (Enero 24).

An nagdakop ki Aguilar iyo si Jeffrey Barnido y Hallare, an awtorisadong representante asin security supervisor kan LCC Supermarket.

Sasangatan siya nin casong Theft.

Nakikimaherak an suspechado na dai na siya kasohan asin nag promisa na dai na maotro asin mabakli na man.

Mayo pang report kun siya papatawadon kan nasambit na kasalan, mantang sinusurat an report na ini.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...