Wednesday, January 31, 2018

Mga portalets, dae pwede sa mga evacuees - APSEMO Chief


ni Vince Villar

Legazpi City - Kun siya an hahaputon, mas maray man giraray suboot na magpatugdok na sana nin mga comfort rooms lara sa mga evacuees kaysa pagamiton nin mga portable toilets na apwera kan mahal an pagmantini, dae tuod an mga evacuees.

Ini an tinawan doon ni Dr. Cedric Daep kan Albay Public Safety and Emergency Management Office (APSEMO) sa pagsasabing mas dakol pa an gagastuson sa mga portalets dahil sa kaipuhan na magkua pa nin serbisyo kan tagapagmantini kaini.

Bako suboot na conviniente an disensyo kan portalets bako siring sa regular na kubeta.

Mas harayo man na magkaigwa nin mga helang kun bako mga portalets an gagamiton.

Dahilan kaini kaya pigsusuhestyon ni Daep na pondohan man liwat an pagpapagibo diit diit kan mga kubeta para sa mga evacuees mantang tempraryo sana an paggamit kan mga portalets.

Kung babalikan enotng nagpadara nin 22 na mga portalets sa banwaan nin Camalig asin Guinobatan si Bise Presidente Leni Robredo mantang ipigsugo naman ni Presidente Duterte sa Department of National Defense (DND) asin Armed Forces of the Philippines (AFP) an pagpapadeliver nin mas dakol pang portalets.

Sa kabilugan, nangangaipo an probinsiya nin 1,222 na toilets para sa sobra 84,000 na evacuees ngani masunod an ideal ratio na 1:50.

Sa presente kaya, huli sa kakulangan nin siring na facilidad, nagiging 1:200 an ratio sa paggamit kaini.
Share:

Featured Post

Catandungan Festival 2018: Celebrating 73 years of Independence

The Catandungan Festival is celebrated every October to commemorate the foundation anniversary of Catanduanes as a province independent...