Monday, January 29, 2018

Mga evacuees sa Camalig, may libreng supply nin tubig asin water dispenser na


Camalig, Albay - Dae nang problema sa pagkakan, dae pang problema sa inumon na tubig.

Ini ngonyan an sitwasyon sa 13 mga evacuation centers sa Camalig, ALbay huli ta apwera kan regular na pagrasyon kan tubig hali sa WATSAN o Water and Sanitation kan provincial Government, nangontrata pa sinda nin duwang mga water refilling stations ngani iyo an mag supply sa mga evacuation centers.

Segun kay Mr. Arvin Vibar, an pamayo kan Sanitation Department kan Camalig, igwa ng tig sarung dispenser an kada 100 na evacuees asin pigsusuplayan nin tig 5 na container kada aldaw.

An mga dae inabot kan mga dispenser, regular na pigrarasyunan nin tubig kan WATSAN.

Paliwanag ni Vibar, bako na talaga problema ang pagkakan asin tubig sa labi 11,000 nindang evacuees imbes, mga kubeta asin mahiwas na matuturugan na sana.
Share:

Featured Post

Bicol Central Station to launch online booking and payment portal this week

NAGA CITY (Bicol Standard) – The Bicol Central Station will launch on August 23 its Online Booking and Payment Portal as part of the st...