Wednesday, January 17, 2018

Mga evacuees, kanya kanyang gibo nin payag sa sarung banwaan sa Albay





Sto Domingo, Albay – Kakaiba an ginibo kan mga evacuees sa banwaang ini, huli ta imbes na umasa sa Gobyerno, kanya kanyang pagibo sinda nin mga payag o makeshift houses sa luwas kan mga evacuation centers.

An rason? Ngani na magkaigwa nin privacy an pamilya asin dae maka istorbo maray sa klase kan eskwelahan na saindang pig ukupar.

An nasabing mga eskwelahan iyo an yaon sa mga barangay kan Salvacion asin San Andres, kung saen, yaon an labi 200 na pamilya o 800 na mga individual gikan sa mga brgy kan Lidong, San Isidro, Sta. Miserecordia, Fidel Surtida, asin San Fernando na nagdulag sa peligro kan Bulkan.

Sa Intrivista kay Alkalde Herbie Aguas, nakatuudan na suboot kan saindang mga residentes an siring kaining gawi tuyong may pagtuga an Mayon.

An nasabing lakdang iyo an inomaw kaito kan Department of Health – DOH huli ta malilikayan kaini an posibleng outbreak nin helang.

Nilinaw tulos ni Mayor Aguas na sadiring gastos kan mga residentes an pagconstruer kan nasabing paramiyentras na maiistaran.

Sa ngonyan, mga kubeta asin mga dagdag na mapagkukuanan na sana nin tubig an pig aasikaso kan local na gobyerno kan Sto DOminggo para sa mga nasabing evacuees. (Vince Villar)

Share:

Featured Post

Bicol Central Station to launch online booking and payment portal this week

NAGA CITY (Bicol Standard) – The Bicol Central Station will launch on August 23 its Online Booking and Payment Portal as part of the st...