Monday, January 15, 2018

Mga evacuation centers, dapat may cable TV asin entertainers - PDRRMC


LEGAZPI CITY - Apwera kan pagtao nin ayudang pagkakan, panluto, maray na facilidades arog kan kubeta asin karigusan, kaipuhan nin pagkakasibutan an mga tawo sa evacuation centers.

Ini ngani malikayan na magpaburubwelta an mga ini sa saindang residensiya na peligroso sa pagtuga kan bulkan.

Segun kay Dr. Cedric Daep, mapabugtak sinda nin mga cable TV ngani may mapanoodan mga aki asin maimbitar man nin mga musikero o banda ngani may mag entertain sa mga gurang.

Sisiguruhon man na bako masyado piot sa classroom an mga occupants ngani magkaigwa man nin privacy lalo na an mga mag agom.

Segun kay Daep, may mga biological needs man an mga mag agom alagad dae man pwede na umuli pa an mga ini ngani matawan an pangangaipo.

Dapat suboot na 8 sagkod 10 pamilya sana, depende sa size kan pamilya, an yaon sa laog kan sarung kwarto. (Vince Villar)



Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...