Thursday, January 4, 2018

LGU Albay, naturuan nin leksyon kan gulping uran na nadanasan kasuudma


Legazpi City - Aminado an Lokal na Gobyerno kan Albay na nasala sinda kan desisyon na i-localize an suspension of classes asin iba pang aksyon manungod sa dinanas na raot nin panahon kan probinsiya kasuudma.

Sa intrivista kay Dr Cedric Daep, Director kan Albay Public Safety and Emergency MAnagement Office o APSEMO, nahuri maray an aksyon kan mga Alkalde asin mga opisyal kan DepED kun kaya dikit pang mamugtak sa peligro an buhay kan mga estudyante asin kan mga tawong nag eerok sa mga flashflood and landslides prone areas.

Resulta kaini, nagpaapod nin emergency meeting an APSEMO kasuudma asin napag desisyunan na pirmi ng Provincewide an pagpapaluwas nin order of suspension asin iba pang aksyon kontra kalamidad.

“Ta nganing standard, nag uruay kami kan DepEd, kun nag order nin class suspension an Albay, that will be provincewide, bako kami selective. Rain or shine iyan, kung rain sa iba tapos shine sa iba, dae kitang reklamo ta provincewide an instruction”, paliwanag ni Daep

Apwera digdi, tinawan naman nin Blanket Authority ni Gov Al Francis Bichara si Daep na mag desisyon maski dae na nagkunkunsulta muna saiya.

“In case of the need, inform ko na lang siya, then I can already decide for safety purposes, like for example, suspension of classes o order to evacuate”, pahayag pa ni Daep.

Kasuudma, binaha nin sari saring mahaharang na komento sa Social media an advisory na pinaluwas kan Gobernador na nagsasabing dae sinda masuspinde nin klase, imbes, bahala na an mga Local Chief Executives.

Depensa ni Daep, bako siring kan may bagyo, dipisilon pag may tail end of the coldfront na may kasabay pang thunderstorm huli ta wara kapasidad an PAGASA sa Bicol na aramon an amount of rainfall dahil ta raot an Doppler Radar system sa Catanduanes.

“Unless na ang Radar kan Catanduanes, buhay, mababasa ini kan Pagasa asin maitataram satuya an amount of rainfall that is expected, so makakapaghanda kuta kita,” dagdag pa ni Daep.

Miyentrastanto, pinakamalala an pag uran na nadanasan kasuudma kun ikukumpara kan naka aging Disyembre 29, kan nakalihis na taon.

Segun kay Daep, An nangyari kasuhapon, sarung oras sana an pinalipas, luminangkawon tulos an amount kan uran.

Ini an dae ninda na antisiparan huli ta dae man nagagamit an Doppler Radar ngani maaraman kuta kun gurano kadakula an ibabagsak na uran.

Nakihuron si Daep na hidalion na an paghirahay kan nasabing ekipahe huli ta kaipong kaipo nanggad ini. (Vince Villar)
Share:

Featured Post

Catandungan Festival 2018: Celebrating 73 years of Independence

The Catandungan Festival is celebrated every October to commemorate the foundation anniversary of Catanduanes as a province independent...