Tuesday, January 9, 2018

Lalaking wanted sa droga, illegal possession of firearms, arestado sa Albay



DARAGA, Albay - Rata sa kamot kan pulisya an sarung lalaki sa Daraga, Albay huli sa mga kasong kinakahampang kaini may relasyon sa droga asin illegal possession of firearms kan Lunes nin hapon.

Sa report kan Daraga PNP, binisto an akusado na si Ian Ted De Leon y Amistad, 43 anyos, may agom, residente kan Purok 9, Brgy Tagas, kan nasabing banwaan.

Alas 4:50 nin Lunes na hapon kan madakop ini kan arresting team sa pangenot ni PSI Kenny L Tantiado sa bias kan mandamiento de aresto na pinaluwas ni Hon. Hon. Frank E. Lobrigo, acting presiding judge kan RTC branch 5, Legazpi City, na may petsang December 11, 2017, para sa pagbayular kan Sec. 11, RA 9165 o comprehensive dangerous drugs act of 2002 asin RA 10591 o comprehensive firearms and ammunition regulation act.

Kantidad 200 mil de pesos an inerekomendang piyansa kan korte sa kada sarung kasong kinakahampang kan akusado para sa temporaryamente kaining libertad. (Vince Villar)
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...