Wednesday, January 10, 2018

Lalaking nanghabas nin motorsiklo, nakumpiskahan nin droga sa Catanduanes


Virac, Catanduanes – Duwang magagabat na kaso an kakahampangon kan sarung construction worker sa Catanduanes matapos na madakop ining naghahabas nin motorsiklo asin kan ikukulong na, nakumpiskaran pa nin iligal na droga.

Sa intrivista kan Bicol Standard kay SPO2 Reymund Vidal kan Virac Municipal Police, nabisto an suspek na si Jhe Bernaser Rodriguez, 25 anyos, soltero, construction worker, residente kan Brgy Binanwahan, Bato, Catanduanes.

Segun kay SPO2 Vidal, alas 12:30 nin mag agahon kan Martes, Enero 9, 2018, kan madakop si Rodriguez mantang pigtutulak kaini an hinabas na Euro 110 na motorsiklo sa prosyon kan Brgy. Kapilihan, Virac.

Nadakop ini matapos magresponde an mga pulis sa osep kan maysadiri kan motorsiklo na si Alvin Benavidez.

Segun sa biktima, nag iinuman sinda kan magbabarkada sa sarung beer house sa Brgy Sta Cruz, Virac, kan biglang mawara an nasabing motorsiklo.

Tulos na dinara sa presinto an suspek, alagad kan ikukulong na ini asin pinahali kan mga pulis an anuman na gamit na yaon sa saiyang bulsa, duman na nahulog an sarung sadit na plastic sachet na naglalaman nin white crystalline substance.

Kan ipa-beripika sa Provincial Crime Laboratory, napag araman na positibong shabu ian nakua kay Rodriguez.

Sa ngonyan nakatalaan ng isa irarom sa inquest proceeding an suspek kung saen, kasong carnapping asin pagbalga sa R.A 9165 o Comprehensive Dangerous Drugs Act an kakahampangon kaini. (Vince Villar)
Share:

Featured Post

Use money wisely, UltraLotto 6/58 winners told

Philippine Charity Sweepstakes Office (PCSO) General Manager Alexander Balutan has advised the two lucky winners of the P1.1 billion to u...