Monday, January 15, 2018

Klase sa nagkapirang lugar sa Albay, half day sana dahil sa mga uuran


Legazpi City - Apwera kan huma kan pagtuga kan bulkan nagbubulos man an makusog na uran sa probinsiya kan Albay na pwedesir na mag causa na naman nin baha asin pagrumpahog kan daga kanya kanya nin deklarasyon nin suspension of classes an mga lokal na gobyerno.

Sa banwaan kan Sto Dominggo, aga pa sana kan nagdesisyon si Mayor Herbie Aguas na dae na palaugon sa klase an mga estudyante sa gabos na lebel.

Kable sa rason kan pagsuspinder kaini iyo an nakabanderang Alert level 3 kan bulkan na pwedeng magtuga anuman na oras o aldaw.

An Legazpi City, dahil sa posibilidad nin pagbaha giraray, nagpaluwas nin kasuguan si Mayor Noel Rosal na half day na sana an klase sa gabos na lebel, pampubliko o pampribado man.

Siring man kaini an naging desisyon ni MDRRM Officer Tess Bausa kan banwaan nin Daraga.

Sa banwaan kan Manito, 
Sinabi ni MDRRM Officer Joebert Daria na kinakahandalan ninda an pag apaw kan mga salog asin landslides, kun kaya, ngani maibitaran an aksidente, pipauruli na atdyan na udto an gabos na mga estudyan sa gabos na lebel. 

Sa banwaan kan Camalig, 8:30 kasubago kan pinirmahan ni Mayor Baldo an advisory number 3 na minasuspider nin klase sa gabos na lebel atdyan na hapon.

Mapatipon man nin gabos na mga kapitanes ngani mag urulay kan mga gigibuhon na lakdang.

Apwera kaya kan uran, sinda an mayor na apektado kan pag alburuto ngonyan kan bulkan.

Sa Guinobatan, suspendido naman an klase, segun sa deklarasyon ngonyan na aga.

Sa intrivista kay Dr. Cedric Daep kan Albay PDRRMC/APSEMO, localize liwat an napagkasunduan nindang pagdesisyon manungod sa pagsuspinder nin klase base sa saindang monitoring.

Sa forecast kan PAGASA kasubagong alas 5:00 nin aga, North East Moonsoon o Amihan an nakaka apekto sa Luzon mantang papauranon man lalo kan Tail End of the Coldfront. (Vince Villar)

Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...