Friday, January 26, 2018

Isyu ki Mocha Uson, makakatabang sa turismo kan Albay – DOT


ni Vince Villar

Legazpi City (Bicol Standard) - Nagtutubod si Department of Tourism (DOT) Bicol Regional Director Benjamin Santiago na dakula an maitatatabang kan isyu kan pagkasala ni Mocha Uson na sabihon na na yaon sa Naga an bulkang Mayon imbes na sa Albay.

Sa intrivista sa opisyal, sinabi kaini na  maski pa ngani negatibo an kinaluwasan kan simpleng pagkasala kan Presidential Communications Assistant Secretary, positibo man an epekto kaini sa turismo kan probinsiya.

Kun hihilingon, sagkod ngonyan, lakop pa giraray an social media, lalo na an Facebook,  nin pagtuyaw sa blogger na nagin government official.

Napapaulok na sana suboot si Santiago kan mahiling an mga edited photos kan Mayon na kun saen saen na sanang parte kan kinaban naka abot.

Alagad may maray man suboot na epekto ini huli ta mas urog na madakol an nakaka aram kan pinag uurgulyong tourist spot kan Albay na maresulta sa pagdakol nin mga turista.

“The more they talk about it, the more na nagiging popular an Mayon sa mga bako taga Albay,” pahayag ni Santiago.

Share:

Featured Post

NIA inaugurates P74-M pumping station in Camarines Sur

Ricefield in Bicol Bicol Standard file photo NAGA CITY (Bicol Standard) – No less than 1,728 farmers and their families in Camarines S...