Wednesday, January 17, 2018

Haros 900 na pamilya, natawan na nin relief sa Daraga


Nakapag distribwer na puon kasuudma nin tig 6 na kilo nin bagas, asin mga sardinas an lokal na gobyerno kan Daraga sa  gabos na mga evacuees ninda.

Segun kay Mrs Tess Bausa, MDRRM Officer kan nasabing banwaan, 

Enot na panao ninda iyo an 3 kilong bagas asin 2 lata nin sardinas para sa 796 na pamilya.

Nasundan ini nin tig 3 kilong bagas hali sa Provincial Social Welfare and Development (PSWDO) para sa 844 na pamilya.

An nasabing mga evacuees iyo an hale sa mga brgy kan Miisi, Budiao, Salvacion, Matnog, asin Banadero.

Nilinaw ni Bausa na sa nasabing bilang dae pa nakabale an mga nagdagdag pa sanang mga evacuees kasuudma.

Sa ngonyan nag rerepack na suboot sinda ngani itabang sa mga baging abot.

Sa presente sobra 900 o sobra 4,000 na mga individual na an mga nasa evacuation centers na kan Daraga.

Miyentrastanto, nagpipreparar naman ngonyan an brgy Alcala ngani mag ebakwar.

Segun kay Bausa, huli sa pagbaba nin grabe kan lava sa Miisi channel, natakot naman an mga residentes maski nasa luwas kan 6kms PDZ.

Share:

Featured Post

Give the gift of creativity with Arog Kaito art fair in Daet!

DAET, Camarines Norte (Bicol Standard) -- Bicol Standard is a proud sponsor of a two-day art fair featuring the finest young creatives of...