Tuesday, January 16, 2018

Forced evacuation, isinagibo sa Legazpi City huli sa matinding lava flow


Photos taken from the walls of Kgd. Melissa Abadeza and Vince Baltazar

Legazpi City - Matinding lava flow an nanutaran puon kasubanggi sagkod ngonyan na aga sa South West Quadrant kan Bulkang Mayon, kun kaya magdamlag man na nagsagibo nin forced evacuation sa mga residentes na nasa pamitisan kan bulkan sa Legazpi City, Albay.

Kasubanggi, Duwang military trucks, government owned vehicles, mga jeep, asin mga pribadong sasakyan ang nagtarabang tabang sa paghakot kan ginatos na mga pamilya gikan sa mga Brgy Kan Mabinit, Bonga, Matanag, asin Buyuan.

An mga taga Buyoan an dinara sa Bagumbayan Central School; 

Brgy Mabinit sa Bogtong Elementary School; 

Begy Bonga sa Gogon Elementary School; 

asin Brgy Matanag sa Albay Central School.

Kun babalikan, puon kan mga nakalihis pang mga aldaw, enot ng nagpa erebakwar an gabos na mga banwaan asin Siyudad sa Albay kan mga residentes ninda na yaon sagkod sa 7kms extended danger zone alagad dae muna an Legazpi City huli ta mahalat na sana nin Alert Level 4.

Napag araman na lampas man kaya sa extended danger zone an nasambit na mga baranggay.

Alagad kasubanggi, naghiwas pang maray an pigbubulusan kan Lava kun saen paghali sa pigtututokan kaini na area kan brgy Miisi, Daraga, abot na ini sagkod sa itaas na parte kan nabanggit na mga baranggay.

Sa presente, maabot na sa sobra 15 mil na mga persona an nasa mga evacuation centers sa bilog na probinsiya kan Albay. (Vince Villar)
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...