Wednesday, January 10, 2018

Eroplano, suminadsad sa pigcoconstruir na Alobo Aiport sa Daraga, Albay

Retrato hale sa Facebook account ni Cong. Joey Salceda

Daraga, Albay - Nadanyaran an eroplano kan Banko Sentral ng Pilipinas o BSP alagad ligtas man an Apat na lunad kaini matapos mag landing sa ginigibong Alobo International Airport, sa Daraga, Albay.

Sa intrivista kan Bicol Standard kan Police Supt Elcid Roldan, Hepe kan Daraga Municipal Police, sinabi kaini na alas 11:30 kasubagong aga kan suboot mag emergency landing an eroplano alagad huli sa matinding paros, buminalagbag ini sa runway sagkod na makapasiring sa maduging porsyon kan gilid kaini asin saka na suminadsad.

Ligtas man suboot an apat na lunad kaini asin nakauli naman sa dadagusan ninda sa Albay.

Napag araman na hali nin Pasay City an eroplano asin pasiring kuta sa Legazpi City kan mangyari an aksidente.

Miyentrastanto, sa follow up kan BS, sa dae na nagpabistong opisyal sa Albay, pilot error an dahilan kan insidente.

Segun digdi, nagkamali nin desisyon an piloto na maghugpa sa Alobo airport sa paghuna na iyo na ini an Legazpi City Airport.

Kun nagsunod suboot sa flight plan an piloto asin maray an koordinasyon sa control tower, dae ini mangyayari.

Inihayag man kan source kan BS na bako lang ini an enot na pangyayari na napagkamalan an Alobo na iyo na an Legazpi Airport.

Ini por dahil sa harani sanang distansiya kan duwang runway. 

Padagos pang nag iimbestiga an CAAP Legazpi ngani maaraman kun ano talaga an totoong nangyari.
(Vince Villar)
Share:

Featured Post

Catandungan Festival 2018: Celebrating 73 years of Independence

The Catandungan Festival is celebrated every October to commemorate the foundation anniversary of Catanduanes as a province independent...