Saturday, January 13, 2018

Ebakwasyon sa 16 na baranggay, ipigsugo na re: Mayon phreatic explosion

Retrato: Albay Liga ng mga Barangay President JP Lee
Legazpi City - Nagpaluwas na nin kasuguan an Albay PDRRMC ngonyan na banggi nin evacuation sa mga residentes kan 16 mga baranggay na yaon sa 6kms permanent danger zone asin mga pagtaraid na naapektaran kan Phreatic eruption kan bulkang Mayon kasubagong alas 5:00 nin hapon.

Sa intrivista kay Dr. Cedric Daep, Chief kan Albay Public Safety and Emergency Management Office o APSEMO, an mga baranggay iyo an mga minasunod.


Daraga - Miisi, Banadero, Matnog


Camalig - Anoling, Quirangay, Tumpa, Sua, Tinubran


Guinobatan - Tandarora and Maninila


Ligao City - Baligang and Amtic


Tabaco City - Magapo and Buang


Malilipot - Canaway and Calbayog


Nag aviso si Daep sa mga residentes na gumamit nin telang dumog kaysa sa face mask huli ta mas epektibong proteksyon ini laban sa alpog asin parong kan abo kan bulkan.


Dahil man sa uuran sa ibang lugar, nagpatanid man si Daep na pwedesir na makapagaba nin bubong an mga nadumog na abo pag natipon kun kaya dapat na alertado an mga residentes.


Sa presente, sibot na gabos na LDRRMC sa mga nabanggit na Munisipyo asin Siyudad ngani na magtarabang sa evacuation.


Miyentrastanto, nadipisilan an Philvolcs Albay sa pagmonitor kan nasabing Phreatic Explosion huli sa kapal nin panganuron kasubagong hapon dara kan uuran sa probinsiya.


Maidagdag pa an pagkawara kan monitoring equipments kan Philvolcs matapos habunon kan naka aging mga aldaw.


Kasubagong aga, namati na suboot kan mga residentes sa pamitisan kan bulkan an garu nagdadaguldol na tanog sa irarom kan daga. (Vince Villar)
Share:

Featured Post

NIA inaugurates P74-M pumping station in Camarines Sur

Ricefield in Bicol Bicol Standard file photo NAGA CITY (Bicol Standard) – No less than 1,728 farmers and their families in Camarines S...