Monday, January 29, 2018

DSWD kayang sustiniran an mga Mayon evacuees sa 100 na aldaw


Legazpi City - Magdurar man nin lampas tulong bulan o 100 na aldaw, dae mauubusan an Department of Social Welfare and Developement (DSWD) nin pantabang sa haros 19,972 na mga pamilya o 76,757 na persona na apektado kan pagtuga kan Mayon sa Albay.

Ini an pigsiguro ni Regional Director Arnel Garcia, matapos maaraman na an saindang national office an mapadara nin family food packs na nagkakantidad P402 million ngani susteniran an food requirement kan biktima nin kalamidad.

Paliwanag kan opisyal,  may ekperyensiya na sinda sa mahiwasan na evacuation kaidto kun kaya madali nindang simbagan an mga pangangaipo kan mga ini.

Sa presente, an probinsiya nin albay asin an syudad nin legazpi an nakarisibe na nin total na nin P17.1 million na kantidad nin food asin non-food items.

Ini an 13,503  na family food packs (P5.2 million), 14,000 pidaso nin malong (P3.5 million), 6,503 pidaso nin dignity kit (P7.023 million), 2,000 pidaso nin assorted toys (P194.8k),  asin 6,503 pidaso nin tamong (P1.1 million).

Mientrastanto, an ahensiya an nagrequest na sa saindang national office nin 69,000 family food packs.

 Enot ng uminabot an 12,500 family food packs na pinag-deliver  kan world food program mantang an provincial government kan albay an kinua na an 4,343 kaini.

Laman kan sarong food pack an 6 kilong bagas, 4 latang sardinas, 4 latang corned beef, 6 sachets nin energy drink o kape na maninigo na sa 5 miembro kan pamilya sa laog nin duwang aldaw.
Share:

Featured Post

Masbate OKs FOI ordinance

Masbate Sangguniang Panlalawigan Photo courtesy of Vice Gov. Kaye Revil MASBATE CITY (Bicol Standard) – The Province of Masbate has app...