Sunday, January 14, 2018

Decampment kan mga evacuees, gigibuhon sa ibong kan panibagong pagbuga nin abo kan Bulkang Mayon

Si Mr Ed Laguerta mantang pigpapahiling an sample kan abo na nakua sa simbahan kan Camalig, Albay


Legazpi City - nakapagrehistro na naman nin phreatic eruption an bulkang Mayon ngonyan na aga nin Dominggo, Enero 14, 2018.


Sa seismic record na nakua kan Mayon Volcano observatory kan Philvocs sa Albay, 8:49 kan mangyari an pagtuga sa may South West na porsyon kan Mayon.

Naapektuhan liwat kaini an mga lugar kan Camalig sagkod Guinobatan, Albay.

May mga residentes na nadipisilan paghangos dahil sa mabatang sulfur mantang nadangog man an mga ragubnob kan mga nagliligid na gapo.


An nasabing eruption an bako siring kadakula kan nangyari kasuudma.

Segun kay Resident volcanologist Ed Laguerta, nangyari an eruption sa laog nin 5 minutes and 4 seconds sana kumpara kasuudma na 1 hour and 47 minutes.

Down drop man an pagluwas kan mga abo, o paghali sa crater, nagkanap ini pababa asin saka nagpaitaas giraray.

12:30 kasubagong mag agahon kan itaas kan PhilVolcs sa Alert level 2 (increasing unrest) an Mayon huli sa posibilidad na magdakol an mga phreatic eruptions asin posibilidad na mas tumindi ini sa magmatic eruption o pagbuga nin mga nalusaw na gapo.

Pinara man ni Laguerta an posibilidad na sumakat pa an alerto sa 3.

Segun digdi, base sa seismic record ninda, malabog pang mag itaas an alerto.

Miyentrastanto, posibleng magpaluwas na nin decampment order an Albay Provincial Disaster Risk Reduction and Management Council o PDRRMC atdyan na hapon.

Segun kay APSEMO Chief Dr. Cedric Daep, base sa saindang protocol, dae pa man dapat talaga nin evacuation na mangyayari.

An alert level 2 an enterong information dissemination asin contingency planning sa posibleng pagtaas sa level 3.

Level 3, evacuation kan mga nasa 6kms PDZ mantang an ga yaon sa extended Danger Zone naman pag level 4.

Level 5, eruption in progress na ini.

Nilinaw ni Daep na nagpa ebakwar sana sinda kasuudma huli sa hibog kan abo na pwedesir magdara nin peligro sa mga residentes.

Sa presente, 889 na mga persona an pig ebakwar hali sa mga baranggay kan Tandarora asin Maninila kan Guinobatan, Anoling asin Cabangan sa Camalig.

Sa ibing na lado, sa Tabaco City, nagpasugo na si Mayor Krizel Lagman Luistro, nin evacuation sa mga brgy na yaon sa 6kms Permanent Danger Zone arog kan brgy Magapo asin Buang.

Total lockdown man o pagbabawal nin mga turista an ipapasunod sa Mayon Skyline na yaon man sa 6kms PDZ.

Ang Tabaco City iyo an yaon sa North East na parte kan Bulkan, alagad segun kay Mr. Ed Laguerta, South West portion an maaapektaran maray kan phreatic eruptions huli sa North East o Amihan na paros. (Vince Villar)
Share:

Featured Post

DOST-Bicol turns over P23-M projects to state U, college

By Connie Calipay LEGAZPI CITY -- The Department of Science and Technology’s (DOST) office in Bicol recently turned over to a state...