Thursday, January 25, 2018

Danyos kan Mayon eruption sa agrikultura, sobra P100 million na - PDRRMC


LEGAZPI CITY  Nagdadakula na an danyos na sinasapar kan agriculture sector sa Albay dara kan padagos na pagtuga kan bulkang Mayon.

Dr. Cedric Daep

Sa report kan Provincial Agriculture Office sa PDRRMC, sobra P100 million na an production loss kan mga paraoma nin paroy, mais, asin niyog sa mga apektadong lugar.

Segun kay Dr. Cedric Daep kan APSEMO, inisyal pa sana an record ninda asin posibleng madugangan pa huli ta dae pa nagsusumiter an ibang mga munisipyo asin siyudad na apektado.

Sa rice production sana, 2, 044 na mga paraoma na an apektado sa laog kan
2, 933.8 na ektarya.

11, 735 metric tons nin kaparuyan an naraot na katumbas kan P73, 345, 150.00.

Sa mais, 36 na paraoma kan 36.41 ektarya an apektado asin abuton sa 241.3 metric tons an naraot nagpalugi sainda nin P7,573, 696.00.

Sa Niyog, Ligao City asin Oas pa sana an nakapgsumiter nin report, alagad, wara pang estimated cost of damages

4.67 hectares an naapektaran sa Ligao City mantang 244 hectares na sa Oas.

Sa mga gulay asin iba pang root crops, 3, 092 na paraoma an nalereishi mantang nasa  805 na ektarya an nadanyaran.

 Uminabot ini sa  35, 998 metric tons o Kantidad P19, 814,070.00.

Sa ngonyan, segun kay Daep,  nakikipag koordinar na suboot an Provincial Agriculture office sa mga ahensyas kan DOLE asin TESDA ngani matawan livelihood an mga naapektarang mga paraoma.

Nagsumiter naman suboot an Regional office kan Department of Agriculture (DA) sa saindang central Office nin 64 million worth of proposal ngani matawan nin livelihood options an mga paraoma.
Share:

Featured Post

Give the gift of creativity with Arog Kaito art fair in Daet!

DAET, Camarines Norte (Bicol Standard) -- Bicol Standard is a proud sponsor of a two-day art fair featuring the finest young creatives of...