Wednesday, January 3, 2018

Dakulang Landslide sa Viga, Catanduanes, pighahali na


Ala una o alas dos nin hapon posibleng maka agi na liwat an mga sasakyan sa porsyon kan National Highway kan Brgy Summit, Viga, Catanduanes huli sa dire-diretsong clearing operation na ginigibo kan mga personahe kan Provincial Engineering Office.

Segun ki Alkalde Bong Tarin, duwang backhoe na pagsasadiri kan probinsiya asin kan munisipyo an nagtatabang tabang ngani ma clear an lugar.

Sinasabing sobra 4 na oras nang stranded an mga sasakyan sa lugar matapos magrumpahog an mga daga, gapo asin kahoy sa lugar kasubago pang mag agahon.

Napag araman na landslide prone areas an lugar kun kaya higot an patanid kan alkalde sa mga nag aaging motorista na mag ingat sa lugar lalo ta dae napupundo an pag uran.

Nakapreposition naman gabos nindang equipaje ngani na magamit tulos encaso magka landslide giraray.--ni Vince Villar
Share:

Featured Post

Faeldon, Jr. faces charge with stiffer penalties

Photo courtesy of Bicol PNP NAGA CITY (Bicol Standard) – Nicanor Faeldon, Jr., the son of the chief of the Bureau of Corrections, is no...